Лоту Гули тахаллуси билан танилган жиноий авторитет Нодир Салифов яқиндан яшай бошлаган Туркияда ўлдирилган. Бу ҳақда Anadolu агентлиги хабар бермоқда.

Ҳодиса Анталиядаги меҳмонхона ресторанида тушлик пайтида юз берди. Озарбайжон оммавий ахборот воситаларининг хабар беришича, жиноий оламнинг яна бир вакили, озарбайжонлик Хон Аҳмедлинский қотилликни амалга оширди- у тўрт марта ўқ узди. У воқеа жойидан қочиб кетмоқчи бўлган, аммо Анталя-Денизли трассасида турк полицияси томонидан ушланган. Туркия ҳуқуқ-тартибот идоралари терговни бошлади.

Аввалроқ Украина Хавфсизлик хизмати мамлакатдаги вазиятни жиноий гуруҳлар ва қонундаги ўғрилар ёрдамида беқарорлаштиришга уринишларнинг олдини олишганини эълон қилган эди. УХХ Лоту Гулини Россия махсус хизматлари билан боғлади.

Нодир Салифов 2019 йилда Россия Тергов қўмитаси томонидан халқаро қидирувга берилган. У «Москва ва Толятти ҳудудида товламачилик учун одамларни ўғирлаш», шунингдек «жиноий иерархияда юқори лавозимни эгаллаш» да гумон қилинмоқда.

«Жиноий соҳадаги обрўси ва нуфузидан фойдаланиб, ўзини қонундави ўғри деб ҳисоблаган ҳолда, у Москва шаҳрида ва Россиянинг бошқа минтақаларида жиноий фаолиятни ташкил қилиш, йўналтириш ва мувофиқлаштириш билан шуғулланган», – дейилади Тергов қўмитаси баёнотида.

Нодир Салифов 1972 йилда Грузияда туғилган. 2005-2017 йилларда Озарбайжонда қамоққа олинган. Озод бўлганидан кейин у Туркияга кўчиб ўтди. 2018 йилда Салифов Туркиядан депортация қилинган, аммо кейинчалик ноқонуний равишда мамлакатга қайтган.

https://t.me/joinchat/AAAAADv7jmb79L186FmtuA