Жиноят ишлари бўйича Чиноз туман суди раиси қўлга олинди

0
900

Жиноят ишлари бўйича Чиноз туман суди раиси 3000 доллар миқдорида пора олишда айбланиб қўлга олинди.

Тошкент вилояти жиноят ишлари бўйича Чиноз туман суди раиси М. Х. пора олишда айбланиб қўлга олинди, дея хабар қилди «Газета.uz”нинг ҳуқуқни муҳофаза қилиш органларидаги ахборот манбаси.

Судья 3000 доллар миқдорида пора олганликдан айбланмоқда. Унга нисбатан қамоққа олиш кўринишидаги эҳтиёт чораси қўлланилди ва Ўзбекистон Жиноят кодексининг 210-моддаси (пора олиш) бўйича жиноят иши қўзғатилди.

2018 йил декабрида фуқаровий ишлар бўйича Урганч туманлараро суди судьяси З. И. 12 минг доллар миқдорида пора олишда айбланиб ушланган эди. Ушбу маблағ эвазига у яшаш жойи бўйича мулкка эгалик ҳуқуқини аниқлаш юзасидан ижобий қарор чиқаришга ваъда берган.

Иқтисодий ҳамкорлик ва тараққиёт ташкилотининг яқинда эълон қилинган ҳисоботида 2016 йилда Ўзбекистонда судьяларга нисбатан 9 та, 2017 йилда — 11 та жиноят иши қўзғатилгани тўғрисида хабар берди. 2018 йилнинг январь-сентябрь ойларида бу каби ҳолатлар қайд этилмаган.

http://www.youtube.com/c/Globalproartcom

https://t.me/joinchat/AAAAADv7jmY6BMS3eSELqw

ФИКР БИЛДИРИШ

Please enter your comment!
Please enter your name here