1 триллион сўмдан ортиқ бюджет маблағлари мақбуллаштирилади

0
69

Аввал хабар қилганимиздек, “Сардоба сув омбори“ тўғонида юзага келган фавқулодда ҳодиса оқибатида жабрланган фуқароларни манзилли қўллаб-қувватлаш ва инфратузилмани тиклаш чора-тадбирларини молиялаштириш тўғрисида” Президент қарори (ПҚ-4722-сон, 21.05.2020 й.) қабул қилинди.

Қарорга кўра, мудофаа ва ҳуқуқ тартибот органларининг тадбирлари ҳамда уларга Ўзбекистоннинг ижтимоий ва ишлаб чиқариш инфратузилмасини ривожлантириш дастурида кўзда тутилган жами 1,150 триллион сўм миқдоригача бўлган бюджет маблағлари мақбуллаштирилади.

Мақбуллаштириладиган маблағлар қуйидагиларга йўналтирилади:

– 2020 йилда Президент топшириқларига мувофиқ ҳудудларни ижтимоий-иқтисодий ривожлантириш бўйича харажатлар ҳисобидан қуйидагиларга ажратилган маблағлар ўрнини қоплаш учун;

– Президентнинг Ф–5569-сон фармойишига асосан Сирдарё вилояти маҳаллий бюджетига ажратилган маблағ;

– Президентнинг ПҚ–4581-сон қарорига асосан 2019 йил 1 декабрга қадар хусусий шериклар томонидан нодавлат боғчаларни ташкил этиш, қуриш, реконструкция қилиш, таъмирлаш ва жиҳозлаш ишлари 25 фоиздан кам бўлмаган ҳажмда бажарилган давлат-хусусий шериклик тўғрисидаги битимлар бўйича кредитларни молиялаштириш учун ажратилган маблағ;

– Ҳукуматнинг 950-сон фармойишига асосан фуқаролар ва тадбиркорларга тегишли ер участкалари олиб қўйилиши ҳамда кўчмас мулк объектларининг бузилиши оқибатида етказилган зарар миқдори бўйича вужудга келган қарздорликни қоплаш учун Жиззах, Тошкент, Қашқадарё, Сурхондарё, Фарғона вилояти ҳамда Тошкент шаҳар маҳаллий бюджетларига ажратилган маблағ;

– Президентнинг ПФ–5953-сон Фармонига асосан янги ташкил этиладиган кичик саноат зоналарига барча зарур инфратузилмаларни етказиб бериш учун кичик саноат зоналарини бошқариш дирекцияларига ажратилган маблағ;

– Президентнинг Ф–5567-сон фармойишига асосан Бухоро вилояти маҳаллий бюджетига маблағ ажратиш (шу жумладан, олдин ажратилган маблағ ўрнини қоплаш) учун;

– Президентнинг ПҚ–4700-сон қарорига мувофиқ ер майдонларини фойдаланишга киритиш мақсадида туман бюджетларига ажратилган маблағ.

http://www.youtube.com/c/Globalproartcom

https://t.me/joinchat/AAAAADv7jmb79L186FmtuA

ФИКР БИЛДИРИШ

Please enter your comment!
Please enter your name here